DESEÑO A MIÑA GAL.T- SHIRT
Convócase un concurso para facer unha camiseta que
conteña un lema en defensa do idioma
galego.
BASES
-Poderán
participar todas as aulas de educación
infantil e educación primaria.
- Cada aula
elixirá e presentará como máximo un deseño, que será orixinal.
- O deseño
consistirá na presentación dunha ilustración
e unha mensaxe en defensa do idioma
galego.
-
O xurado serán os membros do EDLG.
-
Co traballo seleccionado imprimiranse as
camisetas .
-
Cada aula presentará un único deseño,
elaborado polo grupo. A aula da que se seleccione o traballo, recibirá un
agasallo.
O prazo de
presentación rematará o 18 de marzo.
I CONCURSO
DE
NARRACIÓNS BREVES:
”Contámoscho en familia”.
DATA LÍMITE DE
ENTREGA:
28 DE NOVEMBRO DE 2014
|
O Equipo de Dinamización da Lingua Galega do CEIP Xoán
de Requeixo ten como un dos seus obxectivos
: “Valorar as familias como elemento
imprescindible na transmisión do idioma e como elemento insubstituible na
aprendizaxe do alumnado”
Para
traballar este obxectivo convócase o I CONCURSO DE NARRACIÓNS BREVES:
“CONTÁMOSCHO EN FAMILIA”.
O
concurso rexirase polas seguintes bases:
BASES
1.- Os
textos estarán escritos a man e en
lingua galega, cunha extensión
máxima dun folio por unha soa cara. Deben ser orixinais.
2.- A
temática das narracións versará sobre acontecementos (vendima, recollida de froitos,caída da folla, magosto...)
ou produtos do outono (cogomelos ,
castaña, noces...)
3.- A autoría dos textos ten que
ser compartida entre un alumno ou alumna
e unha persoa adulta do seu ámbito familiar. Se a autoría é de varios irmáns,
deberá constar o nome de todos.
O nome d@s autores figurará ao pé do texto presentado.
O
texto debe vir acompañado dunha ilustración, coloreada coa técnica artística que se queira e realizada pol@ alumn@ nun folio distinto ao do texto.
4.- O prazo
de presentación das narracións rematará o venres 28 de novembro.
5.-Entre tod@s @s
participantes,farase unha selección,coa finalidade de que os contos formen
parte dunha publicación.
6.- Os traballos seleccionados
quedarán en poder do Equipo de Dinamización
da Lingua Galega do CEIP Xoán de Requeixo, quedando a disposición do centro.
7.- O xurado estará composto polo EDLG do CEIP Xoán de Requeixo,
que dará a coñecer o seu fallo o día 11 de decembro.
8.- Os traballos serán entregados
aos respectiv@s titor@s . Ao longo do día 28, un membro do EDLG pasará a
recollelos.
O EQUIPO DE
DINAMIZACIÓN DA LINGUA GALEGA
CONCURSO POSTAL DO NADAL DIXITAL VICEPRESIDENCIA 1.ª DA DEPUTACIÓN DE LUGO
Ao coidado da Dirección do Centro:
Prezadas amigas
Prezados amigos
Parece incrible pero xa temos o Nadal á volta da esquina e como nos encanta estar continuamente creando, queremos propoñervos que lle comuniquedes e animedes a todo o alumnado do voso centro a que participe no ?I CONCURSO POSTAL DO NADAL DIXITAL VICEPRESIDENCIA 1.ª DA DEPUTACIÓN DE LUGO?.
De que se trata?
Esta iniciativa da Vicepresidencia 1.ª da Deputación de Lugo diríxese a todo o alumnado dos Centros de Ensino da provincia de Lugo, en idades comprendidas entre os catro e os catorce anos.
Convidamos ás alumnas e alumnos a que elaboren unha postal do Nadal utilizando as novas tecnoloxías. Calquera idea que se lles ocorra será benvida!
Nas bases tedes toda a información para participar. Agora a poñer en marcha o maxín e?a crear! Espéranvos uns estupendos agasallos como premio á vosa capacidade creativa !
Mario Outeiro Iglesias
Deputado delegado de Cultura e Turismo da Deputación de Lugo
|
CORRELINGUA 2015!
INFORMACIÓN SOBRE O CONCURSO E LUGARES DE PARTICIPACIÓN EN:
Convócase este ano a V edición do Certame OUFF Escola. Este concurso de creación audiovisual, organizado pola Concellería
de Cultura e Normalización Lingüística do Concello de Ourense en
colaboración coa Secretaría Xeral de Política Lingüística, vai dirixido
aos centros de ensino públicos e privados. O prazo para participar
finaliza o 27 de xuño de 2014. Podedes ver as bases na seguinte ligazón :
- PROXECTO TÍRALLE DA LINGUA
XIV CONCURSO DE RELATO ORAL
BASES DO CONCURSO
1ª As historias poderán ser de base popular, de base literaria ou creación propia.
2ª As historias contaranse en galego.
3ª Nas historias valorarase a calidade lingüística e o seu carácter construtivo e pedagóxico (linguaxe non discriminatoria, linguaxe non sexista...)
4ª Os/as participantes concursarán individualmente ou en grupo, pero sempre respectando o tempo máximo por actuación que será de 5 minutos. A superación dese tempo pode supor a descualificación. Poderán participar cun máximo dunha historia.
5ª O concurso vai destinado a tres niveis académicos.
1) Primaria.
2) 1º Ciclo de ESO.
3) 2º Ciclo de ESO e ensino postobrigatorio.
6ª O concurso farase en dúas fases con carácter selectivo:
1) A nivel centro de ensino.
2) A nivel nacional.
7ª Na primeira fase será o propio centro o que determine e se responsabilice dos posíbeis premios aos concursantes. O número de concursantes que pasarán da primeira á segunda fase determinarase
en función da participación, o que se comunicará aos centros.
8ª A formalización da inscrición no concurso por parte dos centros realizarase antes do día 5 de abril enviando un e-mail a: informacion@as-pg.com, recibirán confirmación da inscrición e dos datos que deben completar.
9ª A fase final celebrarase o día 24 de abril en Santiago, en dous grupos diferentes: un para primaria e primeiro ciclo de secundaria e outro para segundo ciclo de secundaria e ensino postobrigatorio.
10ª Na fase final concederase un primeiro premio por nivel cun valor de 250 euros e un segundo, se o xurado así o estima por valor de 150 euros. Os centros de ensino dos participantes gañadores recibirán un premio do mesmo importe.
11ª O xurado estará composto por tres persoas alleas aos centros participantes con experiencia nestas actividades, actuando de secretario/a un representante de Asociación Socio-Pedagóxica Galega.
12ª O xurado emitirá o ditame o mesmo día da celebración do concurso.
13ª A participación no concurso supón a aceitación íntegra das presentes bases.
- IX Edición do Proxecto Didáctico Antonio Fraguas
A Fundación Antonio Fraguas Fraguas convoca, en colaboración coa
Secretaría Xeral de Política Lingüística, a IX Edición do Proxecto
Didáctico Antonio Fraguas, encamiñada á realización dun programa de
pescuda sobre o patriminio lingüístico, etnográfico, antropolóxico,
xeográfico, histótico e artístico do contorno inmediato entre os centros
escolares de Galicia. Modalidades: ensino primario e ensino secundario.
Premios: un en cada unha das modalidades, dotado con 7.000 euros destinados á implementación do proxecto
Prazo de presentación de traballos: ata o 31 de maio de 2014
Lugar de presentación de proxectos: Fundación Antonio Fraguas Fraguas (San Domingos de Bonaval, 15703 Santiago de Compostela)
Máis información: tfno. 981 583 620 - fax 981 554 840 / enderezo electrónico: fundacionfraguas@museodopobo.com
No hay comentarios:
Publicar un comentario