O escritor ANTONIO REIGOSA visitou o colexio o Día do Libro (23 de abril). O alumnado de terceiro ciclo leu o seu libro Bacoriño.
BIOGRAFÍA DO AUTOR
Nacín en Zoñán, Mondoñedo, o 15 de agosto de 1958. Alí, sendo neno, tratei cos mouros do castro veciño, aprendín a coñecer os encantos que sementaban a néboa no curuto da Pena da Roca e, anque nunca o conseguín, intentei moitas veces botar a rolos polo mundo abaixo unha grande rocha que se mantén en extraño equilibrio chamada Pena Morcán. Destas e doutras experiencias da miña infancia venme, creo eu, a miña querencia pola fantasía popular.
Traballo no Departamento de Didáctica do Museo Provincial de Lugo desde 1982. Son escritor, conferenciante, investigador da mitoloxía e da literatura oral galega, colaboro con traballos de divulgación relacionados coa historia, a arte, a etnografía, a mitoloxía popular e a literatura oral en diversos medios de comunicación e revistas especializadas.
Son cofundador de "Chaira", Grupo de Investigación Etnográfica (Lugo 1992), do que tamén forman parte Ofelia Carnero, Mercedes Salvador e Xoán R. Cuba, xuntos levamos adiante varias campañas de recollida en distintos concellos da provincia de Lugo. Ponente en numerosas xornadas e congresos, participo en campañas de promoción da lectura nos centros de ensino, bibliotecas e asociacións culturais.
Creador e coordinador de contidos da Enciclopedia Virtual da Fantasía popular de Galicia denominada Galicia Encantada.
Coordinador da revista oral de periodicidade trimestral O pazo das musas, editada polo Museo Provincial de Lugo desde 2004. Das obras que se relacionan no apartado correspondente, unha boa parte escribinas en colaboración con Xoán Ramiro Cuba e con Xosé Miranda.
Recibín, entre outros, os seguintes premios: Certame Nacional de Artes e Tradicións populares do Ministerio de Cultura (1987), o Facho (1989), o Premio Merlín, (1998 ), Premio Supernova (1999), Premio Raíña Lupa,(2000), Lucense do Ano (2002), Premio Frei Martín Sarmiento (2005); e fun finalista do Premio Nacional de Literatura Infantil o ano 1999 con "Memorias dun raposo", e do Premio Pura e Dora Vázquez de Creación Literaria o ano 2004 con "Pesadelos".
FOTOS DO ENCONTRO
.
Suscribirse a:
Entradas (Atom)
Etiquetas
- ANIMACIÓN Á LECTURA (1)
- EDUCACIÓN INFANTIL (1)
- ENCONTRO CO ESCRITOR ANTONIO REIGOSA (1)
- ENLACES DE INTERÉS (1)
- LENDAS ILUSTRADAS POR PRIMEIRO CICLO DE EDUCACIÓN PRIMARIA (1)
- LETRAS GALEGAS 2008 (1)
- LETRAS GALEGAS 2009 (1)
- LETRAS GALEGAS 2009:MATERIAL DIDÁCTICO SOBRE RAMÓN pIÑEIRO (1)
- LETRAS GALEGAS 2014:XOSÉ MARÍA DÍAZ CASTRO (1)
- OS MÁIS PEQUENOS PLANTAMOS UNHA CEPA NO PATIO (1)
- PRIMEIRO CICLO (1)
- REVISTA CHORIMA 2009 (1)
- SEGUNDO CICLO (1)
- TEATRO MIGALLAS: Camiño de Historias (1)
- TRÍPTICOS (1)
- TÍTERES NO CEIP XOÁN DE REQUEIXO (1)
- XOGO SOBRE XOSÉ MARÍA ÁLVAREZ BLÁZQUEZ (1)